लौरो अभियानबाट ‘रुपन्देहीका भिष्म रानासहित को–को बने स्वतन्त्र उम्मेदवार ?

काठमाडौं । आगामी मंसिर ४ मा हुने प्रतिनिधिसभाको निर्वाचनका लागि ‘स्वतन्त्र तथा वैकल्पिक शक्तिको लौरो अभियान’ ले आफ्ना स्वतन्त्र उम्मेदवारहरुको नाम घोषणा गरेको छ । बिहीबार ललितपुरमा घोषणा कार्यक्रम आयोजना गरेर विभिन्न क्षेत्रका लागि स्वतन्त्र उम्मेदवार घोषणा गरेको हो ।

काठमाडौं क्षेत्र नम्बर ५ बाट ‘सक्किगोनि’ हाँस्य टेलिश्रृंखलाका कलाकार मधुसुदन पाठक अर्थात् सिते बा पनि स्वतन्त्र उम्मेदवार बनेका छन् ।

पाठकसँगै लौरो अभियानका संयोजक सुमन सायमि काठमाडौं –८ बाट निर्वाचन लड्दैछन् भने काठमाडौं –९ मा विद्या श्रेष्ठको नाम घोषणा भएको छ ।

यसैगरी लौरो अभियानले भक्तपुर –२ मा दरोस्तभ लोकेन्द्र, कास्की –२ मा सिरीष गुरुङ, रौतहट–१ मा राहुल मिश्र, रुपन्देही –५ मा भिष्म राना र उदपयुरमा गजेन्द्र महतलाई उम्मेदवार बनाएको छ । सबै उम्मेदवारले एउटै चुनाव चिन्ह र घोषणा पत्रमा चुनाव लड्ने भनिएको छ ।