कपिलवस्तुको भलवाड स्थित धान खेतमा जंगली जनावर (निल गाइ) को आतंक

भलवाड । कपिलवस्तुको बाणगंगा नगरपालिका वडा नम्बर ९ भलवाडको उत्तरी भेगका किसानहरुले यतिबेला जंगली जनावरका कारण वर्षे बाली जोगाउन चुनौती खेपिरहेका छन् ।

वडा नम्बर ९ को भर्तापुर गाउँका किसानहरुले यतिबेला खेतमा रोपेको धान बालीमा जंगली जनावर जंगली गाई अर्थात निल गाईले बाली सखाप पारेको गुनासो गरेका हुन । स्थानीय कृषक विष्णी भुषालले २४ सै घण्टा निल गाईले धान बाली खाएर सत्यानास पारेको गुनासो गर्नुभयो ।

यहाँको अधिकाशं धानबालीमा यतिबेला जंगली जनावरले खाएर सक्ने किसानलाई पिरलो छ । वडा नम्बर ९ को उत्तर पुर्वी खेती योग्य जमिन स्थानीय सामुदायिक वन क्षेत्रसँग जोडिएका कारण जंगली जनावरले किसानको बाली नाली सखाप पारेको हो ।

वन क्षेत्रबाट एक हुल नै निल गाइ आउने गरेको किसानको गुनासो छ । स्थानीय कुमार घिमिरेले जनावरले धान बाली खाइदिदाँ यसपटक उत्पादन पनि घट्ने होकी भन्ने चिन्ता थपिएको बताउनुभयो ।
मलको अभावका बिच जसोतसो धान रोपेका किसान पानी नपरेर चिन्तामा थिए भने अहिले पानी परेपछि केही मौलाएको धानबालीमा जंगली जनावरले खाइदिएर सखाप पार्दा थप चिन्तामा परेका हुन । विशेष गरी निल गार्ईले भर्तापुर टोलको उत्तर पुर्वी क्षेत्रको धानबालीमा बढी क्षेती पु¥याएको छ ।

108