कोईलीचौर सामुदायिक वनमा ३० हजार बिरुवा रोपिदै

राजेन्द्र खनाल, कपिलवस्तु । कपिलवस्तुको सबैभन्दा पुरानो सामुदायिक वनको रुपमा रहेको कोइलीचौर साना किसान सामुदायिक वन उपभोक्त समुहले बृहत वृक्षरोपण कार्यक्रमको तयारी गरेको छ ।

कपिलवस्तुको बाणगंगा नगरपालिका वडा नम्बर ९ भलवाड स्थित सो सामुदायिक वन उपभेक्ता समितिले डिभिजन वन कार्यालय कपिलवस्तुसँगको सहकार्यमा मंगलबार भोली वृक्षरोपण गर्ने तयारी गरेको समितिका अध्यक्ष हरिराज घिमिरेले जानकारी दिनुभयो ।

वन क्षेत्र भित्रको खाली क्षेत्रमा टिक, सफेदा लगाएतका विभिन्न प्रजातिका विरुवा रोप्ने गरी कार्यक्रमको अयोजन गर्न लागिएको समितिका कोषाध्यक्ष कुन्तामणी भुषालले बताउनुभयो । सो सामुदायिक वन क्षेत्र भित्र कपिलवस्तु मै सबैभन्दा ठूलो प्रजातीका सालका रुख समेत पाइन्छ ।

कपिलवस्तुमा सामुदायिक वन अन्र्तगत झण्डै ३० वर्ष पुरानो सामुदायिक वनको रुपमा रहेको कोइलीचौर साना किसान सामुदायिक वनले अहिले ३० हजार विभिन्न प्रजातिका विरुवा रोप्ने तयारी गरेको हो । भोली बिहान बृहत बृक्षरोपणको आयोजना गरिएको भन्दै समितिले सबै उपभोक्तालाई उपस्थितिका लागि पनि अनुरोध गरेको छ ।