कपिलवस्तुबाट लागुऔषध (ब्राउन सुगर) सहित एक युवक पक्राउ

कपिलवस्तु । कपिलवस्तुको विजयनगर गाउँपालिकाबाट प्रहरीले लागु औषध ब्राउन सुगर सहित एक युवकलाई पक्राउ गरेको छ ।

बिजयनगर गाउँपालिका १ गुगौलीबाट सोही गाउँपालिका वडा नम्बर २ पडेरीया बस्ने २२ वर्षीय राम अजोर यादवलाई करिब ४ ग्राम अवैध लागूऔषध ब्राउन सुगर जस्तो देखिने पदार्थ सहित बिहीबार दिउँसो प्रहरीले पक्राउ गरेको हो ।

ईलाका प्रहरी कार्यालय गणेशपुरबाट खटिएको प्रहरीको टोलीले चेकजाँचका क्रममा पैदल हिडिरहेका यादवलाई उक्त परिमाणको लागूऔषध सहित फेला पारी पक्राउ गरेको प्रदेश प्रहरी कार्यालय दाङले जानकारी दिएको छ ।