अत्यधिक गर्मीका कारण तीन दिन विद्यालय बन्द

कञ्चनपुर । अत्यधिक गर्मी बढेसँगै वेदकोट नगरपालिकाले विद्यालयमा बिदा दिएको छ। नगरपालिका भित्र रहेका सामुदायिक र संस्थागत विद्यालयमा नगरपालिकाले विदा दिएको हो।

जेठ २५ गते देखि २७ गतेसम्म विद्यालयहरु विदा दिइएको नगरपालिकाका प्रमुख प्रशासकीय अधिकृत पदमराज भट्टले बताए।

अत्यधिक गर्मीले मौसम प्रतिकूल भई विद्यालयको पठनपाठनमा निकै समस्या भएकाले विदा दिने निर्णय गरिएको उनले बताए। लामो विदाबाट मिलान गर्ने गरी विदा व्यवस्थापन गरिएको उनको भनाइ रहेको छ। यस अघि भीमदत्त नगरपालिकाले आजदेखि लागू हुने गरी चार दिन विद्यालयमा विदा दिने निर्णय गरेको थियो।

गर्मीका कारण विद्यार्थी बेहोस हुने, बिरामी पर्ने, कक्षा कोठामै सुत्ने र विद्यालय आउजाउ गर्न समेत निकै समस्या हुन थालेपछि स्थानीय तहले विद्यालयमा विदा दिन थालेका हुन्।

124