प्युठानमा हार पछि पनि जितेका उम्मेदवारको र्यालीमा हिडे पराजित उम्मेदवार

प्यूठान– यहाँको झिमरुक गाउँपालिका–१ को अन्तिम मत परिणाम आयो । विजयी भए नेकपा एमालेका धु्रवराज खनाल । पराजित भए अर्का उम्मेदवार रामबहादर जिसी । उनी राष्ट्रिय जनमोर्चाका हुन् ।

खनाल चुनावी परिणाम आफ्नो पक्षमा आएपछि विजयोत्सव बनाउँदै गाउँ निस्के । उनी प्रतिष्पर्धीको घर छेउमा पनि पुगे । त्यही थिए उनीसँगै पराजित उम्मेदवार जिसी।

जिसीले सौहार्दता देखाए । उनले विजय मनाइरहेका विजयी उम्मेदवार खनाललाई अबिर र माला लगाइदिए । बधाई दिए । यति मात्रै हैन उनी सँगै विजयी ¥यालीमा पनि निस्के । ‘चुनावी स्पर्धामा हार र जित सामान्य प्रक्रिया हो,’ उनले भनेका छन्, ‘अब गाउँको विकासका लागि हातेमालो गर्छु ।’

मतगणना अनुसार एमालेका खनालले १ हजार ९ सय जिसीले ६ सय १९ मत ल्याए । जिसी गाउँकै अमरसिंह माध्यमिक विद्यालयका प्रधानाध्यापक र खनाल सोही विद्यालयको व्यवस्थापन समितिको अध्यक्ष थिए।

103

प्रतिक्रिया

खबर सबै

रसुवामा बाढी आउनुअघि नेपाल–चीन सीमा नजिक ४.४ म्याग्निच्युडको भूकम्प

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU