१२ औँ कपिलवस्तु महोत्सव आजदेखि, गृहमन्त्री खाँणद्धारा उद्घाटन हुदैँ

ईसाझाकुरा संवददाता

‘सक्षम व्यवसायी समृद्ध राष्ट्र र स्वाधिन अर्थतन्त्र’ भन्ने मुल नाराका आज देखि सुरु हुने १२औं कपिलवस्तु महोत्सव एवम् कृषि, पर्यटन तथा औधोगिक प्रदर्शनीको आज गृहमन्त्री बालकृष्ण खाँण उद्घाटन गर्नुहुने भएको छ । महोत्सव आज चैत्र ३ गतेदेखि चैत्र १३ गतेसम्म बाणगंगास्थित बुद्ध रंगशालामा सञ्चालन हुन लागेको हो ।

महोत्सवको सतप्रतिशत काम सम्पन्न भएको कपिलवस्तु उद्योग बाणिज्य संघका अध्यक्ष डोलकराम घिमिरेले बताउनु भएको छ । र महोत्सवको आज गृहमन्त्री खाँणले दिउँसो साढे २ बजे उद्घाटन गर्ने कार्यक्रम तय भएको अध्यक्ष घिमिरेले जानकारी दिनुभएको छ । गृहमन्त्री खाँण दिउँसो १ बजे महोत्सव स्थलमा आउँने कार्यक्रम तय भएको छ ।

आज महोत्सवको उद्घाटन दिनमा सबैलाई निशुल्क प्रवेश दिईने आयोजकले जनाएको छ । महोत्सवमा करिब २ लाख बढी दर्शकले अवलोकन गर्ने आयोजक कपिलवस्तु उद्योग बाणिज्य संघकोले दाबी गर्दै आएको छ भने ५ करोड बराबरको कारोबार गर्ने लक्ष्य लिएको छ ।