प्रदेश सभाको सवारी मर्मतमा ‘अनियमितता’, अख्तियारले थाल्यो अनुसन्धान

ई–साझाकुरा, भदौ १०

प्रदेश ५ को प्रदेशसभामा सवारी मर्मतलगायतमा देखिएको अनियमितता बारे अख्तियारले अनुसन्धान सुरु गरेको छ । प्रदेशसभामा सवारी मर्मतमा अस्वाभाविक बिल आएको विषयमा विभिन्न सञ्चार माध्यम तथा लेखा समितिमा कुरा उठेपछि अख्तियार दुरुपयोग अनुसन्धान आयोग बुटवल कार्यालयले अनुसन्धान थालेको हो ।

सवारी मर्मत खर्चको सम्पूर्ण विवरण माग्दै पत्र पठाइएको अख्तियार दुरुपयोग अनुसन्धान आयोग बुटवलका प्रवक्ता सुरेश भुसालले बताए । गत वर्ष सवारी साधन खरिद प्रकरणले चर्चा पाएको प्रदेश ५ को प्रदेश सभामा गाडी मर्मतको बिल अस्वभाविक बनाउने देखि नियमविपरीत घरभाडा लिनेसम्मका काम भएका भन्दै सार्वजनिक लेखा समितिले प्रश्न उठाएको छ । प्रदेशसभा सार्वजजिक लेखा समितिले प्रदेशसभा सदस्य बैजनाथ कलावरको नेतृत्वमा छानविन उपसमिति गठन गरेको छ ।

सवारी साधन मर्मतसम्बन्धी सम्पूर्ण बिलको नम्बर, खर्च भएको मिति, मर्मत गरेको ग्यारेजको नामसहित विस्तृत फाइल मगाएर छानविन गरिरहेको कलवारले बताए । प्रदेश सभा सचिवालयका कर्मचारी, गाडी चालक र वर्कशपको मिलेमतोमा सवारी मर्मतमा अनियमितताको आशंका रहेको लेखा समिति सभापति डिल्ली चौधरीले बताए । उपसमितिले समितिमा हालसम्म पनि प्रतिवदेन भने पेस गरेको छैन । लेखा समिति सभापति चौधरीले लकडाउन खुलेपछि समितिको बैठक बस्ने र त्यसैमा प्रतिवदेन आउने बताए । प्रदेशसभामा रहेका गाडी मर्मतबापत यो आर्थिक वर्षमा ४५ लाख रुपैयाँको बिल आएको छ । विलमा गत बर्ष भन्दा धेरै आएको देखिन्छ । गतबर्ष पनि प्रदेशसभामा गाडी खरिद प्रकरणमा बजार मूल्य भन्दा धेरै रकमा खरिद गरेको भन्दै लेखा समितिले झन्डै ६० लाख रुपैयाँ कम्पनीलाई दिनबाट रोकेको थियो ।

129

प्रतिक्रिया

खबर सबै

भारी वर्षाको पूर्वानुमानपछि लुम्बिनीमा १६ सयभन्दा बढी तालिम प्राप्त सशस्त्र प्रहरी परिचालन

लुम्बिनी प्रदेश सबै

भारी वर्षाको पूर्वानुमानपछि लुम्बिनीमा १६ सयभन्दा बढी तालिम प्राप्त सशस्त्र प्रहरी परिचालन

साझा अपडेट

MENU