कपिलवस्तुको चप्परगाउँमा मोटरसाईकल दुर्घटना, २ जना घाइते

कपिलवस्तु ।
कपिलवस्तुको चप्परगाउँमा मोटरसाईकल दुर्घटना हुदा २ जना घाइते भएका छन् ।
पुर्व बाट पश्चिमका लागि हिडेको बागमती प्रदेश ०२ ०२५ प १०२६ नम्बरको मोटरसाईकल विपरित दिशाबाट आइरहेको लु ३ त ४७०१ नम्बरको ट्याक्टरमा ठक्कर खादाँ मोटरसाइकलमा सवार दुई जना घाइते भएका हुन ।

घाइते दुबै जनालाई उपचारका लागि कपिलवस्तु सामुदायिक अस्पतालमा पठाइएको प्रहरीको भनाईलाई उदृत गर्दै हाम्रा सहकर्मी नवराज वेल्वासेले घटनास्थलबाट जानकारी दिएका छन् । ट्याक्टर चालक भने फरार भएका छन् ।

अहिले घटना स्थलमा ईलाका प्रहरी कार्यालय पिपराबाट प्रहरी टोलीले अनुसन्धान गरिरहेको जनाइएको छ । घाइते एक जनाको अवस्था गम्भिर रहेको बताइएको छ ।