टर्च बाल्दै न्याय खोज्दै कपिलवस्तुका युवाहरु

कपिलवस्तु

न्यायका लागि कपिलवस्तुमा शान्तिपूर्ण ¥याली कार्यक्रम हुने भएको छ । युथ युनिटि वेलफेयर यसोसियसन कपिलवस्तुको आयोजनामा फाल्गुण २ गते सो ¥यालीको आयोजना गरिएको हो ।

टर्च बाल्दै न्याय खोज्दै नाम दिइएको सो ¥यालीका लागि कानुनी राज्यमा कानुनको पालना गराऔँ , बलत्कार तथा लैगिंक हिंसा बिरुद्दको अभियानमा प्रतिबद्दता जनाऔँ भन्ने मुल नाराका साथ ¥यालीको आयोजना गर्न लागिएको अभियान्ता सिर्जना आचार्यले जानकारी दिनुभयो । सो ¥यालीका लागि सहभागिहरुले कालो कपडा र कपन सहित हातमा टर्च वा लाल्टिन लिएर आउन पनि अभियान्ता गरिएको आचार्यले बताउनुभयो ।

देशमा बढीरहेका बालिका बलत्कारका घटनामा राज्यको नजर पुग्न नसकेको जनाउदै युवाहरुको संस्था युथ युनिटिले सो कार्यक्रम गर्न लागेको जनाएको छ । फाल्गुण २ गते साँझ ५ बजे कपिलवस्तुको वाणगंगा नगरपालिका वडा नम्बर ४ स्थित चार नम्बर जितपुरमा हुने अभियान्ता आचार्यले जानकारी दिनुभएको छ ।

केहि दिन अगाडी बलात्कार गरेर हत्या गरिएको बैतडीकी भागिरथी भट्टको न्यायमा अझै पनी सरकारको पक्षबाट कुनै आशाको किरण नदेखिएको र यो घटना पनी निर्मला पन्थको जस्तै ओझेलमा पर्न सक्ने भन्दै दवाब स्वरुप शान्तिपुर्ण विरोध ¥यालीको आयोजना गर्न लागिएको अभियानका अध्यक्ष लक्ष्मण सापकोटाले बताउनुभयो ।