ब्रोड पिक आरोहणका क्रममा हिमपहिरोमा परी निधन भएका युक्तको शव ल्याइयो

कीर्तिमानी पर्वतारोही पुर बहादुर गुरूङ (युक्त) को पार्थिव शरीर नेपाल ल्याइएको छ।

पाकिस्तानको ब्रोड पिक हिमाल आरोहणका क्रममा हिमपहिरोमा परी निधन भएका गुरूङको शव आज काठमाडौं ल्याइएको हो।

उनको पार्थिव शरीरलाई केहीबेर नागपोखरीस्थित नेपाल पर्वतारोहण संघको कार्यालयमा राखेर अन्तिम श्रद्धाञ्जली अर्पण गर्ने कार्यक्रम छ।

संघमा आयोजित श्रद्धाञ्जली सभापछि उनको पार्थिव शरीरलाई निवासमा लगिने र भोलि स्वयम्भूमा धार्मिक परम्परा अनुसार अन्तिम संस्कार गरिने परिवारजनले जनाएका छन्।

गुरूङ (युक्त) नेपालका एक अनुभवी पर्वतारोही तथा पथप्रदर्शक थिए।

पाकिस्तानको ब्रोड पिक (८,०४७ मिटर) हिमालमा भएको हिमपहिरोमा १० जना नेपाली तथा विदेशी आरोहीको ज्यान गएको थियो।

गत बिहीबार बिहान हिमपहिरोमा परेका नेपालका विश्वप्रसिद्ध आरोही निर्मल ‘निम्स दाइ’ पुर्जासहित दसै जना आरोहीको निधन भएको थियो।