पाँच महिनाको नेतृत्व संकट अन्त्य : जनसेवा कृषि सहकारीमा नयाँ नेतृत्व चयन

कपिलवस्तु । कपिलवस्तुको बाणगंगा नगरपालिका वडा नम्बर ७ मोतिपुर स्थित जनसेवा कृषि सहकारी संस्थाको लामो समयदेखि रिक्त रहेको संचालक समितिले अन्ततः पुर्णता पाएको छ । यही असार ३ गतेको विशेष भेलाले सर्व सम्मति रुपमा नयाँ कार्यसमिति चयन गरेको हो ।

शेयर सदस्यहरु मध्येका ज्येष्ठ सदस्य आत्मराम आचार्यको अध्यक्षतमा अयाोजित भेलााले नयाँ समिति चयन गरेको शेयर सदस्य तथा वडा सदस्य हरि शंकर पौडेलले जानकारी दिएका छन् । असार ३ गतेको भेलाबाट चयन भएका नयाँ कार्यसमितिका पदाधिकारीहरुलाई बुधबार पद तथा गोपनियताको सपथ ग्रहण गराएको छ भने नयाँ कार्यसमितिका पदाधिकारीहरुले पदभार समेत ग्रहण गरेका छन् ।

नव गठित कार्यसमितिको अध्यक्ष अम्मर बहादुर गुरुङ् चयन भएका छन । यस्तै समितिको उपाध्यक्षमा राम बहादुर बस्नेत, सचिवमा मीना क्षेत्री थापा, कोषाध्यक्षमा शिवा रजाली गाहा चयन भए । यस्तै समितिको सदस्यहरुमा क्रमशः कृष्ण प्रसाद गैरे, टेकराज खनाल, शंखर प्रसाद न्यौपाने, रामबहादुर के.सी र जनमुना भाट क्षेत्री रहेका छन् ।

जन सेवा कृषि सहकारी संंस्था लिमिटेड २०८२ साल पौष २५ गते देखि विभिन्न विवाद र अन्यौलग्रस्त अवस्थाका कारण नेतृत्व विहिन बनिरहेको थियो । जसका कारण संस्थाका नियमिति गतिविधि समेत प्रभावित भइरहेका थिए । शेयर सदस्यहरुको बढ्दो आक्रोश तथा बिरोधका बावजुद हाल सहकारीले नयाँ नेतृत्वको टुङ्गो लगाएको हो ।