जेन जीको अपील

देशभर प्रदर्शन जारी रहेका बेला जेन जी आन्दोलनमा सहभागीले सामूहिक अपील गरेका छन् ।

जेन जी आन्दोलनमा सहभागी भएकोमा धन्यवाद दिँदै आन्दोलनका क्रममा शहीद भइएका सम्पूर्णमा श्रद्धाञ्जली अपर्ण गर्दै घाइतेको स्वास्थ्य लाभको कामना गरेका छन् ।

सरकारले घुँडा टेकेको अवस्थामा अब सम्यमता अपनाउन पनि अपील गरिएको छ ।

पढ्नुहोस् अपीलको पूर्ण पाठ

अपील पत्र

प्रिय साथीहरू,

जेनजी आन्दोलनमा सहभागी भई ऐतिहासिक योगदान पुर्याउनु भएका सम्पूर्ण साथीहरूलाई हार्दिक आभार । यस आन्दोलनका क्रममा शहीद हुनुभएका सम्पूर्ण शहीदहरू प्रती हामी गहिरो श्रद्धाञ्जली अर्पण गर्दछौं । साथै, घाइते साथीहरूको शीघ्र स्वास्थ्य लाभको कामना गर्दछौं ।

हाम्रो आन्दोलनको परिणाम स्वरूप सरकारले घुँडा टेकेको छ । प्रधानमन्त्री केपी ओलीरले राजीनामा दिएका छन् र राष्ट्रपतिबाट त्यसलाई स्वीकृत गरिएको छ। यो परिस्थितिले नयाँ राजनीतिक निकासको बाटो खोलेको छ ।

अब यो देश हाम्रो नेतृत्वमा आएको छ। सार्वजनिक सम्पत्ति हामी सबैको सम्पत्ती हो । त्यसैले, आन्दोलनमा संलग्न साथीहरूलाई संयमित रहन र सार्वजनिक सम्पत्तिमा क्षती नपुर्याउन हार्दिक अनुरोध गर्दछौं ।

नागरिक सरकार र नयाँ राजनीतिक मार्गनिर्देशनको तयारी भइरहेको छ, त्यसैले हामी संयम र धैर्यका साथ अघि बढौं हाम्रो न्युनतम अडान सर्वस्वीकार्य व्यक्तिको नेतृत्वमा नागरिक सरकारको गठन र नयाँ निर्वाचनमा जानू हो । यसैमार्फत हामी हाम्रो सुरक्षित भविष्य भएको नेपाल बनाउन सक्छौं ।

हामी सबैको एकताले मात्र नयाँ परिवर्तनको जग बसाल्नेछ ।

जेनजी आन्दोलन