बर्दियामा चितुवाको आक्रमणबाट एक बालक गम्भीर घाइते 

बर्दियामा चितुवाको आक्रमणमा परी बुधबार दिउँसो एक बालक गम्भीर घाइते भएका छन्। गुलरिया नगरपालिका–५ बालापुरका ७ वर्षीय सर्जन चौधरी चितुवाको आक्रमणमा परी गम्भीर घाइते भएका छन्। बर्दियाको उपचारपछि बालकलाई थप उपचारका लागि बाँकेको नेपालगञ्जस्थित नर्सिङ होममा रिफर गरिएको छ।

बालकको घाँटीमा चितुवाको आक्रमणबाट गहिरो घाउ खत रहेको तथा अवस्था गम्भीर रहेको प्रहरीले जानकारी दिएको छ।
जिल्ला प्रहरी प्रवक्ता डिएसपी ऋषिराम घर्ती मगरका अनुसार चितुवाले दिउँसो २ बजेतिर उनलाई आक्रमण गरेको थियो।
गुलरिया नगरपालिका–४ इन्द्रेनी टोलमा हजुर आमासँगै खेतमा मकै गोड्ने क्रममा बालकलाई चितुवाले झम्टिएको थियो। हजुर आमा कराएपछि चितुवा उनका नातिलाई छोडेर भागेको थियो ।

घटनाबारे प्रहरीलाई साढे २ बजेपछि मात्रै स्थानीयले खबर गरेका थिए।