अर्घाखाँचीमा माटोको ढिस्कोले पुरिएर एक जनाको मृत्यु

साझाकुरा । अर्घाखाँचीमा माटोको ढिस्कोले पुरीएर १ जनाको ज्यान गएको छ भने एक जना घाईते भएका छन्।

जिल्लाको शितगंगा नगरपालिका वडा नं २ सितापुर झिर्रामा माटो लिन गएका दुई जना महिला माटोको ढिस्कोले पुरिएका थिए।
साथीहरु मिलेर घर लिपपोतका लागि माटो लिन गएका मध्ये २ जना माटोको ढिस्को खसेर पुरिएको स्थानीयले बताए ।

पुरिएका मध्ये शितगंगा २ झिर्रा निवासी ४० बर्षिय शारदा अधिकारीको मृत्यु भएको सितगंगा नगरपालिका वडा नं २ का वडाध्यक्ष राम बहादुर गोर्खा क्षेत्रीले बताए।

उनी संगै पुरिएकी ३८ बर्षिय राधा अधिकारीको अवस्था गम्भिर रहेको र थप उपचारका लागि बुटवल रेफर गरिएको वडाध्यक्ष क्षेत्री बताए।

गाउका ६र ७ जना महिलाहरु मिलेर घर लिपपोत गर्न राम्रो छ भनेर डोजरले बाटो खन्दा निकालेको माटो लिन जानु भएको रहेछ। अचानक ढिस्को पल्टेछ वडाध्यक्ष गोर्खा क्षेत्रीले भने।