लुम्बिनीको चालु अधिवेशन अन्त्य हुँदै

दाङ — लुम्बिनी प्रदेशको मन्त्रिपरिषद्को बैठकले चालु अधिवेशन अन्त्य गरेको छ । सरकारका प्रवक्तासमेत रहेका प्रदेश गृहमन्त्री सन्तोषकुमार पाण्डेयले मंगलबार राति १२ बजेदेखि अन्य हुने गरी मन्त्रिपरिषद् बैठकले प्रदेश प्रमुखसमक्ष सिफारिस गर्ने निणर्य गरेको बताए ।

उनले चालु अधिवेशन अन्त्य गर्ने निणर्य गरेको बताए । साथै मन्त्रिपरिषद् बैठकले लोक सेवा कार्यालयका लागि भवन उपलब्ध गराउने र बाढी प्रभावित क्षेत्र बर्दियाका स्थानमा राहत उपलब्ध गराउने निर्णय गरेको उनले बताए ।

उनका अनुसार गाडी दुर्घटनामा परेका र बाघको आक्रमणमा ज्यान गुमाएकालाई राहत उपलब्ध गराउने निर्णय गरेको छ । बैठकले प्रदेश सरकारका संगठन संरचना र अस्थायी दरबन्दी स्वीकृत गरेको छ ।

प्रतिक्रिया