पाल्पामा ६१ वर्षीय महिलालाई जबरजस्ती करणी, दुई पुरुष पक्राउ

पाल्पा । पाल्पामा एक महिलालाई जबरजस्ती करणी गरेको आरोपमा दुई जनालाई प्रहरीले नियन्त्रणमा लिएको छ । ६१ वर्षीया महिलालाई जबरजस्ती करणी गरेको अभियोगमा २ जनालाई बुधबार दिउँसो प्रहरीले पक्राउ गरेको हो ।

पक्राउ पर्नेहरूमा रुपन्देहीको गैडहवा गाउँपालिका–६ घर भई पाल्पाको तानसेन नगरपालिका–६ स्थित खानेपानि ट्याङ्की निर्माणको काम गरी बस्ने ५६ वर्षीय महताम लोध र रुपन्देही कोटहीमाई गाउँपालिका–२ घर भएका १८ वर्षीय किशोर रहेका छन् ।

उनीहरूले ती महिललाई गत मंगलबार जबरजस्ती करणी गरेको भन्ने उजुरीको आधारमा जिल्ला प्रहरी कार्यालय पाल्पा र प्रहरी चौकी बर्तुङबाट खटिएको प्रहरीले दुई जनालाई पक्राउ गरेको हो । घटनाका विषयमा थप अनुसन्धान भइरहेको पाल्पा प्रहरीले जनाएको छ ।