गुल्मीमा भएको जीप दुर्घटनाका घाइतेलाई पाल्पा र बुटवल पठाइयो

गुल्मी । गुल्मीको सदरमुकाम तम्घास नजिकै जीप दुर्घटनामा घाइते भएकाहरूलाई थप उपचारका लागि पाल्पा र बुटवल पठाइएको छ ।

रेसुंगा नगरपालिका ४ अन्तर्गत अर्खलेको ठाडढुंगामा हिजो मङ्गलवार राति लु १ ज ४४४८ नम्बरको जीप दुर्घटना हुँदा दस जना यात्रु घाइते भएका थिए । दुर्घटनामा घाइते भएकामध्ये गुल्मीको इस्मा गाउँपालिका ६ अमरपुरका जीप चालक २६ वर्षीय कृष्ण सुनार र रुपन्देहीको बुटवल उपमहानगरपालिका १४ का ३५ वर्षीय देवकला अर्याललाई थप उपचारका लागि पठाइएको जिल्ला प्रहरी कार्यालय गुल्मीमा प्रहरी निरीक्षक श्यामप्रकाश यादवले जानकारी दिनुभयो ।

सुनारको दाहिने हात भाँचिएको छ भने अर्यालको घाँटीमा चोट लागेको छ । सुनारलाई पाल्पा र अर्याललाई सिटी स्क्यानका लागि बुटवल पठाइएको यादवले बताउनुभयो ।

दुर्घटनाका अन्य घाइते भने सामान्य उपचारपछि आजै घर फर्किसकेका प्रहरीले जनाएको छ । पानी परिरहेको र सडक चिप्लो भएका कारण गाडी अनियन्त्रित भइ दुर्घटना भएको प्रहरीको भनाइ छ ।

120

प्रतिक्रिया

खबर सबै

अर्घाखाँची : सात तालको लयमा गुन्जियो भैरव नाच

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU