पोखरेली कवि तेजनाथ घिमिरेको निधन

पोखरा- पोखराका कवि तेजनाथ घिमिरेको निधन भएको छ। शनिबार बिहान २ बजेर १२ मिनेटमा उनको निधन भएको छोरा प्रकाश घिमिरेले जानकारी दिए।

पोखरा-३ नदीपुर निवासी घिमिरे लामो समयदेखि उच्च रक्तचाप, मधुमेह तथा दम रोगबाट पीडित थिए। उनलाई अक्सिजन दिएर घरमै उपचार भइरहेकोमा आज बिहान ८३ वर्षको उमेरमा निधन भएको हो।

उनका २ श्रीमती, ५ छोरा, २ छोरी छन्। उनको आजै ९ बजे सेतीनदी किनार तुसली घाटमा अन्त्येष्टि गरिने छोरा प्रकाशले जानकारी दिए।

लामो समय शिक्षण पेशामा आवद्ध घिमिरेले हिमदूत पत्रिकामा पनि काम गरेका थिए। नेपाली कांग्रेस निकट शिक्षक संघ कास्कीको संस्थापक अध्यक्ष समेत रहेका घिमिरेका तीन वटा कविता संग्रह प्रकाशित छन्। घिमिरे पोखरेली युवा सांस्कृतिक परिवारका पूर्व अध्यक्ष समेत हुन्।

152