करको दर परिर्वतन गर्दा राष्ट्रघात नगरेको अर्थमन्त्री शर्माको दाबी

काठमाडौं

प्रतिनिधि सभामा अर्थमन्त्री जनार्दन शर्माले आफूले करको दर परिर्वतन गर्दा राष्ट्रघात नगरेको दाबी गरेका छन् । विहीबार प्रतिनिधि सभामा सांसदहरुले उठाएको मन्त्रालय सम्बन्धी प्रश्नको जवाफ दिँदै मन्त्री शर्माले करको दर परिर्वतन गर्दा कुनै किसिमको राष्ट्रघात नगरेको बताएका हुन् ।

उनले राजश्वका दरहरु परिवर्तन गर्ने आवश्यक प्रक्रिया अनुसार सम्बन्धित विभागीय प्रमुखहरु र सचिवहरुसहितको कमिटीबीच छलफल गरेरै निर्धारण गरेको बताए । मन्त्री शर्माले राजश्वका दर परिर्वतन गर्ने प्रचलन अनुसार परिर्वतन गरेका दर रेटहरुप्रति आफू पूर्ण जिम्मेवार र जवाफदेही रहेको बताए ।

उनले देशको डलरको सञ्चिति, आयात, उत्पादन र औद्योगिक वातावरणलाई कसरी अगाडि बढाउने भन्ने विषयलाई समेत ध्यानमा राखेर करका दरहरु परिर्वत नगरेको दाबी गरे गरे । मन्त्री शर्माले करका दर परिर्वतन गर्दा कुनैपनि मान्छेभित्र नपसेको दाबी स्पष्ट पारे ।

उनले भने, ‘करका दरहरु परिर्वतन गर्ने सन्दर्भमा आवश्यक पक्रियाहरु छन् । परिर्वतन गर्दा सम्बन्धित विभागीय प्रमुख र सचिवहरुको कमिटीले बसेर करका दर परिर्वतन गर्ने प्रचलन रहेको छ । त्यो अनुसार भएको करका दरहरु प्रति म पूर्ण जिम्मेवारी छु । जवाफदेही छु । कतै राष्ट्रघात र गद्दारी भएको छ भने त्यसको पूर्ण जिम्मेवार लिन तयार छु । यहाँ कुनै राष्ट्रघात भएको छैन ।’

उनले फेरि भने, ‘देशको डलरको सञ्चिति, देशको आयात, उत्पादन र देशको औद्योगिक कुरालाई कसरी अगाडि बढाउने भन्ने कुरालाईसमेत ध्यान दिएर करका दरहरु परिर्वतन भएको कुरा म स्पष्ट पार्न चाहन्छु । सेनेटरी प्याडमा छुट दिएको सन्दर्भमा गत वर्ष कुनै दर बढाइएको थिएन । नबढाएको करको दरमा माइतीघर महिलाहरुको ठूलो रातो करमा माग गर भन्दै आन्दोलन भएको थियो । त्यो भएर कुनै व्यवसायीहरु आएर बोल्नुभएको थिएन । सबै वस्तुमा करका दर परर्वतन गर्दा विदेशी मुद्रा सञ्चितिलाई ध्यान दिएर परिर्वतन गरिएको हो ।’

उनले थपे, ‘यसरी करका दर परिर्वतन गरेकोमा म जिम्मेवार छु । सचिव र महानिर्देशकहरु बसेर गरेकाले त्यसमा कुनै अन्यथा भएको छैन । कुन मान्छे बाहिर गए, कुन मान्छे बाहिर गए भन्ने कुरा मलाई थाहा हुने कुरा होइन । मैले साढे ११ बजेपछि पौने १२ बजेपछि मन्त्री क्वाटरमा गएर आराम गरेको र बिहान ६ बजे मन्त्रालयमा गएको जानकारी गराउँछु ।’

अर्थमन्त्री शर्माले कोरोना बीमा बापत पाउने रकम भुक्तानीको लागि बीमा कम्पनीहरुसँग छलफल भइरहेको बताए । मन्त्रीशर्माले बीमा कम्पनीहरुसँग भएको छलफल अनुसार छिटै रकम भुक्तानी दिने प्रक्रियाको तयारी गरिरहेको बताए ।

105

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU