भारतमा ‘मदर टेरेसा च्यारिटी’ ले अबदेखि विदेशी सहायता लिन नपाउने

काठमाण्डाै

भारतमा ‘मदर टेरेसा च्यारिटी’ ले अबदेखि विदेशी सहायता लिन नपाउने भएको छ ।

इसाई नन मदर टेरेसाद्वारा स्थापित परोपकारी संस्थाले पछिल्लो समय इसाई धर्मको प्रचारप्रसार गर्नुका साथै नागरिकलाई प्रलोभनमा पारेर धर्म परिवर्तन गराएको भन्दै भारत सरकारले विदेशी सहायता लिनबाट यो संस्थालाई रोक लगाएको हो । यस्तै, मदर टेरेसाको परोपकारी संस्थाको नवीकरण पनि रोकिएको छ ।

संस्थाले नवीकरणका लागि दिएको आवेदनलाई अस्वीकृत गरिएको भारतको गृह मन्त्रालयले जनाएको छ । मदर टेरेसा च्यारिटीले स्वास्थ्य, शिक्षा र अनाथहरुका लागि गर्दै आएको छ । तर, पछिल्लो समय सामाजिक सेवासँगै इसाई धर्मको प्रचार गरेको आरोप लागेपछि यो संस्था विवादमा परेको छ ।

युरोपको तत्कालीन मेसेडोनियाबाट भारतको कोलकाता आएकी क्याथोलिक अनुयायी मदर टेरेसाले सन् १९५० मा मदर टेरेसा च्यारिटी स्थापना गर्नुभएको थियो । मानवीय कार्य र परोपकारमा योगदान पुर्याएको भन्दै सन् १९७९ मा उहाँलाई नोबेल शान्ति पुरस्कार पनि दिइएको थियो।

79

प्रतिक्रिया

खबर सबै

कपिलवस्तुमा दश मध्ये ८ स्थानीय तहले ल्याए बजेट, कसको कति ?

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU