इतिहासमा आज : चन्द्रमाको कक्षबाट खिचियो पृथ्वीको पहिलो तस्बिर

एजेन्सी

सन् १९६० को दशकको सुरुवातमा अमेरिकाले एपोलो मिसन सुरु गरेको थियो । यस मिसनको उद्देश्य चन्द्रमामा मान्छे पठाउनु थियो । तर, त्यतिबेला वैज्ञानिकहरूसँग चन्द्रमाको सतहको विस्तृत तस्बिर समेत थिएन । एपोलो मिसनका लागि चन्द्रमाको सतहको तस्बिर आवश्यक थियो जसको मूल्याङ्कन गरेर अन्तरिक्ष यानलाई ल्यान्डिङ कहाँ गर्ने भनेर तयारी गर्न सकियोस् ।

नासाले १० अगस्त १९९६ मा अर्बिटर १ लञ्च गर्‍यो । यसमा एक मेन इन्जिन, ४ सोलार प्लेट र ६८ किलोको कोड्याक इमेजिङ सिस्टम फिट गरियो । यसका काम अलग–अलग एंगलबाट चन्द्रमाको सतहको तस्बिर खिच्नु थियो । चन्द्रमाको कक्षमा पुग्ने यो विश्वको पहिलो अन्तरिक्ष यान थियो ।

अन्तरिक्ष यानको लञ्च सफल भयो र १४ अगस्तमा यो चन्द्रमाको कक्षसम्म पुग्न सफल भयो । सन् १९६६ अगस्त २३ मा यसले पृथ्वीको पनि एउटा तस्बिर खिच्यो । चन्द्रमाको कक्षबाट खिचिएको पृथ्वीको यो पहिलो तस्बिर थियो ।

अर्बिटर १ ले चन्द्रमाको कक्षबाट खिचेको पृथ्वीको पहिलो तस्बिर

२८ अगस्तसम्म यसले चन्द्रमाको सतहको कूल २०५ वटा तस्बिर पठायो । २९ अक्टुबरमा चन्द्रमाको सतहसँग ठोक्किएर यो नष्ट भयो ।

129

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU