२०८ औँ भानु जयन्ती, साहित्य चौतारी कपिलधाममा आदिकविको सम्झना

भलवाड ।
आज २०८ औँ भानु जयन्ती । कपिलवस्तु सहित देशभर आदिकवि भानुभक्त आचार्यको सम्झनामा विभिन्न कार्यक्रम गरी भानु जयन्ती मनाइएको छ ।

नेपाली भाषा र साहित्यका क्षेत्रमा आदीकविको नामले परिचित भानुभक्तको सम्झनामा मंगलबार कपिलवस्तुको बाणगंगा नगरपालिका वडा नम्बर ९ कपिलधाम स्थित साहित्य चौतारीमा एक कार्यक्रम सहित साहित्यकारहरुले कवि आचार्यको सम्झना गरेका छन् ।

कपिल प्रज्ञा पुस्तकालयको आयोजनामा आदिकवि भानुभक्त आचार्यको सम्झनामा साहित्यकारहरुले आदिकविको शालिकमा माल्यार्पण गरेका छन् । कार्यक्रममा बाणगंगाका विभिन्न क्षेत्रमा आबद्ध साहित्यकारहरुको उपस्थिति रहेको थियो । एक दर्जन बढी साहित्यकारहरुका शालिक स्थापना गरिएको साहित्य चौतारी कपिलधाममा आदीकवि भानुक्तको पनि शालि राखिएको छ । सोही शालिकमा माल्यार्पण गर्दै आदीकविका नाममा साहित्यकारहरुले कविता समेत वाचन गरेका थिए ।
कार्यक्रममा कपिल आरोग्य मन्दिर कपिलधामका अध्यक्ष शंकर प्रसाद आचार्य, संचारकर्मी बाबुराम रायमाझी, छन्दबादी समाजका पूर्व अध्यक्ष ऋषिकेश भारद्वाज लगाएतले आदिकवी भानुभक्त राष्ट्र«का गहना भएको बताउनु भएको छ ।

कार्यक्रम कपिल प्रज्ञा पुस्तकालयका अध्यक्ष इन्द्र बहादुर कोइरालाको अध्यक्षता बिनिराम पौडेलको स्वागत र दुर्गा प्रसाद पौडेलको संचालनमा भएको हो ।