कपिलधाममा संस्कृत विद्यापीठ संचालन

कपिलवस्तु ।
कपिलवस्तुको धार्मिक पर्यटकीय स्थलको रुपमा स्थापित कपिल आरोग्य मन्दिर कपिलधाममा संस्कृत विद्यापीठ संचालनमा आएको छ ।

बिहिबार एक कार्यक्रमका बीच कपिलधाममा पहिलो दिन पाँच जना विद्यार्थीहरुलाई भर्ना गरी कक्षा आरम्भ गरिएको धामका अध्यक्ष शंकर प्रसाद आचार्यले जानकारी दिनुभयो । यस वर्षका लागि जम्मा १३ जना विद्यार्थीहरुको भर्ना लिने गरी संस्कृत विद्या आर्जनका लागि संस्कृत विद्यापीठ संचालन गरिएको हो ।

विद्यापीठमा अध्ययन गर्ने बटुकहरुका लागि पीठमै खाना बस्न सँगै शिक्षा आर्जनको प्रबन्ध मिलाइएको छ ।
पछिल्लो समय कपिलधाम आन्तरिक पर्यटकहरुको रोजाईको केन्द्रका रुपमा विकास हुँदै गएको छ भने जडिबुटी उत्पादन सँगै धार्मिक स्थलको रुपमा पनि विकास भएको छ । सोही क्रममा संस्कृत शिक्षाको विकास र नयाँ पुस्तामा संस्कृत विद्याको शिक्षा प्रदान गर्ने उद्धेश्य सहित संस्कृत विद्यापीठको संचालन गरिएको धामका अध्यक्ष आचार्यले बताउनुभयो ।

कपिलमुनी वैद्धिक संस्कृत विद्यापीठको रुपमा सो पीठ संचालन गरिएको हो । एक जना शिक्षकको समेत व्यवस्था गरी बिहिबार देखि नै कक्षा संचालन भएको जनाइएको छ ।

145

प्रतिक्रिया

खबर सबै

बाणगंगा ९ का ५३ वर्षीय ऋषिराम अधिकारी बेपत्ता, खोजीकार्यमा सहयोग गरिदिन परिवारको आग्रह

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU