सत्तारूढ नेकपा भंग भएपछि पहिलाेपल्ट मन्त्रिपरिषद् बैठक आज बस्दै

काठमाडौं

प्रधानमन्त्री केपी शर्मा ओलीले आज मंगलबार (आज) अपराह्न ४ बजेका लागि मन्त्रिपरिषद् बैठक बोलाउनुभएको छ ।

सर्वोच्च अदालतले नेकपाको एकीकरण अमान्य हुने फैसला गरेपछि पहिलोपटक प्रधानमन्त्री ओलीले मन्त्रिपरिषद् बैठक बोलाउनुभएको हो । सत्तारुढ दल नेकपा दल नै नरहेपछि पूर्ववत् रुपमा साविकको नेकपा एमालेको अध्यक्ष एवं सोही दलबाट प्रधानमन्त्री रहेको नाताले ओलीले पहिलो मन्त्रिपरिषद बैठक डाक्नुभएको हो ।

यसपटकको मन्त्रिपरिषद् बैठकलाई चासोका साथ हेरिएको छ । सरकारका नियमित एजेन्डाबारे छलफल हुने स्रोतले जनाए पनि अन्य विषयबारे भने खुलाइएको छैन ।

ब्युँतिएकाे नेकपा माओवादी केन्द्रका नेताहरूले सरकारलाई दिएको समर्थन फिर्ता लिने बताइरहे पनि यसबारे औपचारिक निर्णय भने भइसकेको छैन । हाल गृहमन्त्री रामबहादुर थापासहित केही मन्त्रीहरु पूर्व माओवादी केन्द्रबाटै सरकारमा छन् ।

 

108

प्रतिक्रिया

खबर सबै

अर्घाखाँची : सात तालको लयमा गुन्जियो भैरव नाच

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU