कपिलवस्तुबाट ३७ क्विन्टल अवैध चिनी बरामद

कपिलवस्तु
कपिलवस्तु नगरपालिकाबाट अवैध चिनी प्रहरीले बरामद गरिएको छ । नगरको वडा नम्बर ११ जहदी रहेको गुप्ता पसलबाट भन्सार छली ल्याएर लुकाइछिपाई राखिएको अवस्थामा ३७ क्विन्टल चिनी बरामद गरिएको हो ।

गोष्य सूचनाको आधारमा इलाका प्रहरी कार्यालय पिपराका प्रहरी निरिक्षक दिनेश गुरुङको टोलीले हिजो साँझ सात बजेको समयमा पसलमा खनतलासी गरेको थियो । गुरुङका अनुसार नम्बर नखुलेको निलो अनटेस्ट ट्रकमा लोड गर्दै गर्दा १४ क्विन्टल र गोदाममा रहेको २३ क्विन्टल गरी ३७ क्विन्टल अवैध चिनी बरामद गरिएको हो ।

त्यसपछि जिल्ला प्रहरी कार्यालय तौलिहवाबाट प्रहरी नायव उपरिक्षक धर्मराज भण्डारीको कमाण्डमा थप प्रहरी आई ४ जनालाई नियन्त्रणमा लिएको थियो । उनीहरुमाथि थप अनुसन्धान भइरहेको डिएसपी भण्डारीले बताउनु भयो ।