बैदेशिक रोजगारीबाट पौडेलले गरे भलवाडका विपन्न परिवारलाई सहयोेग

कपिलवस्तु । कपिलवस्तुको वाणगंगा नगरपालिका वडा नम्बर ९ भलवाडबाट बैदेशिक रोजगारीका लागि न्युजिल्याण्डमा रहेका रामप्रसाद पौडेलले विपन्न परिवारको सहयोगार्थ आर्थिक सहयोग गरेका छन् ।

उनले मनको साथी प्रतिष्ठान नामक एक संस्थाको माध्यमबाट भलवाडमा रहेका विपन्न परिवारका लागि सहयोग स्वरुप रु. २० हजार पठाएको प्रतिष्ठानका सदस्य प्रेम पाण्डेले जानकारी दिएका छन् ।

न्युजिल्याण्डमा रहेका पौडेलले भलवाड स्थित भर्तापुरका तीन परिवारलाई सहयोग गर्ने गरी सो रकम पठाएको पाण्डेले जानकारी दिए । भलवाडका सागर थारु, सुन्तली वि.क र स्वर्गीय भोजराज थारुको परिवारका लागि उनले सो रकम सहयोग गरेका हुन ।