जसपाले जलायो कपिलवस्तुमा प्रधानमन्त्रीको पुत्ला

सुरेश कुमार पांन्डेय/ कपिलवस्तु
जनता समाजवादी पार्टी नेपाल कपिलवस्तुले कपिलवस्तुका ठाउँठाउँमा आयोजना गरेका विरोध कार्यक्रममा आज प्रधानमन्त्री केपी ओलीको पुत्ला जलाएको छ ।
प्रतिनिधि सभा विघटनको विरोधमा विभिन्न चरणका विरोध कार्यक्रम गरिरहेको जसपाले आईतबार कपिलवस्तुमा विरोध कार्यक्रमको आयोजना गरेको थियो । कपिलवस्तुको मायादेवी गाउँपालिका स्थित पकड़ीमा जसपाका नेता तथा कार्यक्रताहरुले प्रधानमन्त्री अलोकतान्त्रिक बनेको आरोप लगाउँदै पुत्ला जलाएका हुन ।
प्रधानमन्त्रीको असंवैधानिक, अलोकतान्त्रिक तथा प्रतिगमनकारी कदमको विरोधमा जसपाले सार्वजनिक गरेको आन्दोलनका कार्यक्रमहरु मध्ये आज जिल्लामा पुत्ला दहन कार्यक्रम घोषणा गरेका थियो ।
कपिलवस्तुको पकड़ीमा जनता समाजवादी पार्टीका नेताहरुले राष्ट्रपति बिद्या देवी भण्डारी र प्रधानमन्त्री के.पी.ओलीको पुतलादहन गरेका हुन ।
जसपाका नेता र कार्यकर्ताले राष्ट्रपति विद्यादेवी भण्डारी र प्रधानमन्त्री केपी शर्मा ओलीले चालेको कदमको बिरोध समेत गरेका थिए ।
जसपाका जिल्ला अध्यक्ष शैलेन्द्र कुमार यादवले प्रधानमंत्री ओलीले संसद विघटन गरेर संविधान विपरित काम गरेको बताउनुभयो । संविधानको रक्षाका लागी जसपाको आन्दोलन अझ सशक्त हुने पनि उहाँले बाउनुभयो । हरेक कार्यकर्ता तत्पर रहेको समेत उहाँले दावी पनि गर्नुभयो । विरोध प्रदर्शनमा अमरीश पांन्डेय ,ईरफान खान, कमलेश चौधरी, बजरंगी चौधरी, गीता तिवारी, नवीन चौधरी ,कृष्णनारायण तिवारी, नेता सरफुदीन खान सहित दर्जनौं नेता कार्यक्रताहरुको उपस्थिति रहेको थियो ।
लुम्बिनी प्रदेशका सबै जिल्लामा बिरोध कार्यक्रम गर्ने क्रममा जसपाले आज कपिलवस्तुमा पनि प्रर्दशन तथा विरोध जनाएको हो ।
जनता समाजवादी पार्टी लुम्बिनी प्रदेश संसदिय दलका नेता तथा प्रदेश सभा सदस्य सहसराम यादवले प्रधानमन्त्री ओलीका कारण संघियता र संविधान माथि समेत प्रहार भएको बताउनुभएको छ । संसद पुर्नस्थापनाका लागि जसपाले अझ कठोर आन्दोलन गर्ने उहाँले बताउनुभयो ।
जसपाले माघ २८ गते जिल्लाका प्रमूख स्थानहरुमा मसाल जुलुश गर्ने समेत घोषणा गरेको छ । त्यसका लागि जसपाले जिल्लाका नेता तथा कार्यक्रताहरुलाई १० वटै स्थानिय तहको जिम्मेवारी प्रदान समेत गरेको जिल्ला अध्यक्षद्धय शैलेन्द्र यादव र कैलाश अग्रहरीले जानकारी दिनुभएको छ ।

131

प्रतिक्रिया

खबर सबै

अर्घाखाँची : सात तालको लयमा गुन्जियो भैरव नाच

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU