बाणगंगा २ ले दियो कप्टैया बाजा समुहलाई नौमति बाजा

कपिलवस्तु ।
कपिलवस्तुको बाणगंगा नगरपालिका वडा नः २ ले कप्टैया बाजा समुहलाई नौमति बाजा बितरण गरेको छ । नौमति बाजा लोप हुन लागेको भन्दै वडाले गत बर्षबाट बाजा समुहलाई बाजा बितरण गर्दै आएको हो ।

नौमति बाजा बितरण कार्यक्रममा बोल्दै बाणगंगा नगरपालिकाका प्रमुख मगंल थारुले लोप हुन लागेका सस्कृति संरक्षणमा सबैले आआफनो ठाउबाट सहयोग गर्नु पर्ने बताए ।

त्यस्तै कार्यक्रममा बोल्दै वडा नः २ का वडा अध्यक्ष बिष्णु प्रसाद पौडेलले वडा भित्रका सबै लक्षित वर्गका समुहलाई केन्द्रमा राखी वडाले काम गर्दै आएको बताए । सो अवसरमा वडा सदस्य राम शरण चौधरी, कप्टैया नौमति बाजा समुहका डिबि थापा, बिसनपुरा टोल बिकास समितिका अध्यक्ष शोभाकान्त बेल्बासे, पत्रकार अशोक पौडेल लगायतले आआफनो धारणा राखेका थिए ।

कार्यक्रम वडा सचिव नरेन्द्र पोखरेलको सञ्चालनमा सम्पन्न भएको थियो ।