इतिहासको यो कुरुप र भद्दा मजाक

नारायण खनाल

मेरो तीन दशक छोटो राजनैतिक अनुभबले कहिलेकाही आफै संङ्ग प्रश्न गर्छ र निष्कर्ष निकाल्छ : नेपालको बामपंथी कम्युनिस्ट आन्दोलन भित्र पहिलो चरणमा केशर जङ्ग रायमाझी, विश्व बन्धु थापा, दोश्रो चरणमा राधाकृष्ण मैनाली , केपी ओली प्रबृत्ति बारे कुनै भ्रम थियन र रहेन ।

तर, केही समय अघि मात्रै पृथ्वी थर्काउने दश बर्षे जनयुद्धको नेतृत्वदायी भुमिका निर्बाह गरेका र अग्रगामी राजनैतिक परिबर्तनका लागि योगदान दिएका टोप बहादुर रायमाझी, राम बहादुर थापा, लेखराज भट्ट, मणि थापा र दधिराम न्यौपाने सहित प्रभु शाह लगायतका नेता र कार्यकर्ताहरुको बारेमा भुमिगतकालमा उहाँहरुका बिचार मात्रै होइन जीवन, ब्यवहार र आचरण लाई समेत दृष्टिगत गर्दा कहिलेकाही आसंका त हुन्थ्यौँ नै तर यति छिटो प्रतिगमनकै मतियार बनेर रायमाझी पथमा हिडनु होला भन्ने लागेको थिएन ।

एउटा अज्ञानी ,मूर्ख, र शन्कि शाषकको पिछलग्नु भएर २१ औँ शताब्दीको बौद्धिक चेतना माथि प्रहार गरि जनताले रगत संङ्ग साटेर प्राप्त गरेको गणतन्त्र को हत्या गर्ने प्रतिगामी योजनामा पसिना बगाइ रहनु भएको छ । इतिहासको यो कुरुप र भद्दा मजाकका लागि उहाँहरुको बारेमा मुल्यांकन गर्ने बाँकी जिम्मेवारी अग्रगमनको पक्षमा रहेका महान नेपाली जनताको काधमा !
लेखक : जसपा केन्द्रीय सदस्य हुन ।

412