ज्यान लिने कोईलीको कजवे पुल बन्यो रातमा पनि उज्यालो

माघ ४ कपिलवस्तु

कपिलवस्तुको वाणगंगा नगरपालिका वडा नम्बर ७ र ९ को सीमा क्षेत्रमा पर्ने कोईली नदीको कजवे पुलमा विद्युतीय बत्ती जडान गरे सँगै रातमा पनि उज्यालो बनेको छ ।

पटक पटक मानविय ज्यान जाने गरी भएका दुर्घटनाको जोखिम न्युनिकरणका लागि नदीको दुवै किनारमा विद्युतिय बत्ती जडान गरिएपछि अब कोईली नदीको कजवेमा रातको समयमा पनि जोखिम कम भएको छ ।
बत्ती जडान सँगै नदी किनारमा झुम्म परेको बाँसको झाँडी पनि सफाई गरीएको छ भने यात्रमा सहजताका लागि पुल वारी र पारी दुवै किनारमा खुल्ला बनाइएको छ ।

रातको समयमा समेत अब यात्रमा सहजता हुने गरी वडा नम्बर ७ को समन्वय र फुलबारी सामुदायिक वनको लागतमा सो बत्ती जडान गरेको वडा अध्यक्ष विष्णु गिरीले बताउनुभयो ।
बत्ती जडानका लागि सवत्र आवज उठीरहेका बेला वडा कार्यालयले समन्वय गर्दै सामुदायिक वनले रु.३५ हजारको लागतमा सो बत्ती जडान गरेको हो । बत्ती जडान गरिए सँगै अब बनगाई मोतिपुर हुृदैँ भलवाडको यात्रा गर्नेहरुलाई रातको समयमा पनि सहजता हुने भएको छ ।

सो पुलमा बत्ती नहुँदा यस अघि पटकपटक रातको समयमा दुर्घटना हुने गरेका छन भने एक जनाले ज्यान पनि गुमाएका छन् । त्यस्तै केही समय अघि पुलको कमजोर संरचना र वर्षाको बेला आउने बाढीको उच्च बहावका कारण विद्युत प्राधिकरणको गाडी बगाउँदा तीन जनाको ज्यान पनि गएको थियो ।

बत्ती जडान सँगै अब सो कोईलीमा मोटरेवल पुल निर्माण पनि गर्नुपर्ने स्थानियले बताएका छन् । कजवेले धान्न नसकेका कारण सो नदीमा मोटरेवल पुल आवस्यक देखिएको हो ।