वाणगंगा ११ ले दियो गर्भवती महिलाहरुलाई कुखुराको भाले

पुष २९ कपिलवस्तु ।
कपिलवस्तुको वाणगंगा नगरपालिका वडा नम्बर ११ ले वडा भित्रका गर्भवती महिलाहरुलाई पोषिलो खाना स्वरुप कुखुराको भाले सँगै पौष्टिक आहार प्रदान गरेको छ ।
दिव्य गर्भ संस्कार सचेतना तथा गर्भवती पोषण कार्यक्रम अन्र्तगत वडा भित्रका ३५ जना गर्भवती महिलाहरुलाई वडाले डेढ के.जीको एउटा लोकल कुखुराको भाले, आधा के.जी मह र आयोडिन नुन वितरण गरेको वडा अध्यक्ष सोमनाथ आर्यालले जानकारी दिनुभयो । वडा नम्बर ११ को कार्यालय हथौसाको आर्थिक सहयोग तथा समन्वय र नेपाल परिवार नियोजन संघ सामुदायिक क्लिनिक ओदारीको आयोजनामा सो कार्यक्रम सम्पन्न भएको हो ।
कार्यक्रममा वडा अध्यक्ष सोमनाथ आर्यालको अध्यक्षताथ तथा वाणगंगा गनरपालिकाका नगर प्रमूख मंगलप्रसाद थारुको प्रमूख आतिथ्यता रहेको थियो । वडा सदस्यहरु तथा, सुआहारा नगर प्रतिनिधि हिरा केसि , हथौसा स्वास्थ केन्द्र प्रमुख राजु सुनारी, वडा नं. ११ का महिला स्वास्थ स्वयम् सेविका, वडा बाल सहजकर्ता उदयराज तिवारी साथै वडा बाल संजालका अध्यक्ष बिन्दु कोइराला र बिपन्न गर्भवती महिलाहरुको सहभागीता रहेको थियो ।
कार्यक्रममा नगर प्रमुख थारुले वडा नम्बर ११ मा रहेका गर्भवती महिलाहरुलाई पोसिलो खाने कुराहरु दिएकोमा खुसी प्रकट गर्नुभयो । त्यस्तै उहाँले नगरपालिकाले पनि यस्ता कार्यक्रम ल्याउने प्रतिबद्धता व्यक्त गर्नुभयो ।
कार्यक्रममा वडा अध्यक्ष अर्यालले महिलाहरुका लागि पोषणयुक्ता खानेकुरा अपरिहार्य हुने भन्दै त्यसका लागि वडाले लक्षित वर्गको योजनामै कार्यक्रम बनाएके बताउनुभयो ।
कार्यक्रम वडा सचीव राम प्रसाद सापकोटाले संचालन गर्नु भएको थियो।

99

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU