जसपाको अन्तरक्रियामा माधव नेपाल, ओली भन्दा प्रचण्ड धेरै असल रहेको भनाई

काठमाडौँ ।
नेकपा दाहाल–नेपाल खेमाका अध्यक्ष माधवकुमार नेपालले केपी ओलीभन्दा पुष्पकमल दाहाल ‘प्रचण्ड’ धेरै नै असल मान्छे भएको टिप्पणी गरेका छन्।

मंगलबार जनता समाजवादी पार्टीले काठमाडौँमा आयोजना गरेको अन्तरक्रिया नेपालले ओलीसँग भन्दा दाहालसँग काम गर्न सहज रहेको र भाव पनि मिल्ने दाबी गरेका हुन्।

प्रचण्डसँग मिलेर विगतमा जस्तै अब पनि काम गर्ने दाबी नेपालले गरेका छन्। नेपालले विगतमा आफूले सेना समायोजन लगायत महत्त्वपूर्ण काम प्रचण्डको सहयोगमा गरेको बताए।

ओलीले भने हरहमेसा एकलौटी काम गरेको र आफ्ना विरोधीहरुलाई सिध्याउन खेलमा मात्रै जुटेको नेपालको आरोप छ। नेपालले पछिल्लो समय ओलीमा झन् धेरै दम्भ र इगो बढेको आरोप लगाए।

ओलीका पछिल्ला अभिव्यक्तिहरुका कारण शीर निहुर्‍याउनु पर्ने अवस्था आएको टिप्पणी नेपालले गरेका छन्। योसँगै नेपालले ओलीको संसद विघटनविरुद्धको आन्दोलन संयुक्त रूपमा सफल पार्ने मामिलामा पनि जोड दिएका छन्।

121

प्रतिक्रिया

खबर सबै

अर्घाखाँची : सात तालको लयमा गुन्जियो भैरव नाच

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU