पेरिसडाँडामा प्रचण्ड -माधव पक्ष नेकपाको स्थायी समिति बैठक जारी

काठमाडौं, पुस १९

नेकपा प्रचण्ड–माधव पक्षको स्थायी समिति बैठक बसिरहेको छ । पार्टी कार्यालय पेरिसडाँडामा स्थायी समिति बैठक जारी रहेको स्थायी समिति सदस्य डा. बेदुराम भुसालले जानकारी दिए ।
स्थायी समिति बैठक अघि सचिवालय बैठक बसेको थियो ।

आजको स्थायी समिति बैठकमा संसद विघटनविरुद्धको आन्दोलन र भावी रणनीतिका बारेमा छलफल हुने नेताहरुले बताएका छन् ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधि सभा विघटनको घोषणा गरेकी थिइन् । त्यसपछि नेकपाको प्रचण्ड–माधव पक्ष उक्त असंवैधानिक कदमको विरोध गर्दै आन्दोलनमा छ ।

उसले शनिबार मात्रै एक महिने आन्दोलनका कार्यक्रम घोषणा गरेको छ । संसद पुर्नस्थापना नभएसम्म आन्दोलन जारी राख्ने रणनीतिमा रहेको नेकपाको प्रचण्ड माधव पक्ष सातै प्रदेशमा आन्दोलनका कार्यक्रम शान्तिपूर्ण तर सशक्त बनाउने योजनामा छ ।

108

प्रतिक्रिया

खबर सबै

अर्घाखाँची : सात तालको लयमा गुन्जियो भैरव नाच

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU