टिप्परको ठक्करबाट मोटरसाइकलमा सवार श्रीमतीको मृत्यु श्रीमान् घाइते

नवलपुरको गैँडाकोट नगरपालिका–९, थुम्सीस्थित पूर्व–पश्चिम राजमार्गमा शुक्रबार दिउँसो भएको सवारी दुर्घटनामा परी श्रीमतीको मृत्यु भएको छ भने श्रीमान् घाइते भएका छन् ।

नारायणगढबाट भेडाबारीतर्फ आउँदै गरेको ना। ७ ख। ८६२१ नम्बरको टिप्परले सोही दिशातर्फ आइरहेको लु। ४१ प। ९२३७ नम्बरको मोटरसाइकललाई ठक्कर दिँदा दुर्घटना भएको थियो ।

जिल्ला प्रहरी कार्यालय नवलपुरका सूचना अधिकारी अनिल पंडितले दिएको जानकारी अनुसार मोटरसाइकलको पछाडि सवार देवचुली नगरपालिका–१० निवासी ३५ वर्षीया जमुना गिरी थापाको मृत्यु भएको हो ।

दुर्घटनामा परी मोटरसाइकल चालक मृतकका श्रीमान् ४० वर्षीय राजबहादुर थापा घाइते भएका छन् । उनको दुवै हात, खुट्टा र अनुहारमा चोट लागेको छ ।

मृतक थापाको टाउकोमा गम्भिर चोट लागेको थियो । उपचारका क्रममा उनको नयाँ मेडिकल कलेज, भरतपुरमा मृत्यु भएको सूचना अधिकारी पंडितले जानकारी दिए ।

दुर्घटनामा संलग्न टिप्पर र चालक भरतपुर महानगरपालिका–१८, शशीनगर निवासी ३२ वर्षीय सुनिल महतोेलाई प्रहरीले नियन्त्रणमा लिई घटनाबारे थप अनुसन्धान भइरहेको प्रहरीले जनाएको छ ।