त्रिवेणी गाउँपालिकाको जेसीबी मेसिनमा आगजनी

रोल्पा । रोल्पाको त्रिवेणी गाउँपालिकाको जेसीबी मेसिनमा अज्ञात समूहले आगजनी गरेको छ । मंगलबार राति १२ बजेतिर त्रिवेणी–४ खबाङ नजिकै सडक मर्मत गर्ने क्रममा राखिएको बेला रा १ ख २७ नम्बरको उक्त मेसिनमाथि आगजनी भएको र पूर्ण रुपमा क्षति भएको गाउँपालिकाले जनाएको छ ।

गाउँपालिकाको सबै वडाका सडक मर्मत र निर्माण गर्ने क्रममा उक्त मेसिनलाई प्रयोग गर्दै आएको र वडा नम्बर ४ को सडक मर्मत गर्ने क्रममा उक्त मेसिन मंगलबार खबाङमा पु¥याइएको प्रमुख प्रशासकीय अधिकृत निमबहादुर केसीले बताए ।

प्रमुख प्रशासकीय अधिकृत केसीका अनुसार घटनाबारे अनुसन्धान गर्न र दोषी पत्ता लगाई कानुनी कारबाही गर्न सुरक्षा निकायसँग आग्रह गरिएको बताए ।

135