गुल्मीमा साउन २० गतेसम्म निषेधाज्ञा थपियाे

गोकर्ण पाण्डे /गुल्मी

जिल्ला कोभिड संकट व्यवस्थापन समितिले गुल्मीमा जारी निषेधाज्ञालाई आगामि साउन २० गते राती १२ बजे सम्म लम्बाउने निर्णय भएको छ। समितिको बैठकले जिल्लामा कोभिडको संक्रमण दर बढ्दै गइरहेको भन्दै त्यसलाई निरन्तरता दिने निर्णय गरेको प्रशासनले जनाएकाे छ।

यसपटकको लकडाउनलाई परिमार्जन समेत गरिएको छ। खाध्यवस्तु बेच्ने पसलहरु दैनिक ७ घण्टा मात्र खाेल्न पाइने भएको छ। निषेधाज्ञा अवधिमा अत्यावश्यक दुध,तरकारी,फलफुल,माछा,मासु,पानी,ग्यास,पेट्रोलियम पदार्थ,एग्रोभेट,तथा निर्माण सामग्रीका पसलहरु बिहान ७ बजे देखि ४ बजे सम्म मात्र खुल्न पाइने भएको छ।बैक वित्तीय संस्था,सहकारी सस्था बिमा कम्पनी बिहान १० बजे देखि दिउँसो ३ बजे सम्म खुल्न पाइने भएको छ। जिल्ला भित्र निर्माण सामाग्री बाेक्ने जिप,टिपर,ट्याक्टर र पुस्तक तथा कृषि जन्य पदार्थ सुरक्षा सामधानी अपनाएर चल्न पाउने भएका छन्।

निषेधाज्ञाको अवधिमा अत्याबश्यक काम बाहेक नागरिकहरु घरबाहिर ननिस्कन आग्रह गरिएको छ ।निषेधाज्ञाको कसैले अबज्ञा गरे संक्रामक रोग ऐन २०२० र स्थानीय प्रशासन ऐन २०२८ अन्तरगत कारवाही गर्ने प्रशासनले चेतावनी समेत दिएको छ। यस अघि थप गरिएको निषेधाज्ञाकाे समय आज राति १२ बजे सकिदै छ।

115

प्रतिक्रिया

खबर सबै

अर्घाखाँची : सात तालको लयमा गुन्जियो भैरव नाच

लुम्बिनी प्रदेश सबै

लुम्बिनी प्रदेशका सभामुखसहित पाँच जनालाई जालसाजी मुद्दा

साझा अपडेट

MENU