ह्याचरी संचालकद्धारा विद्यार्थीलाई दिवा खाजा स्वरुप ७२ क्यारेट अण्डा वितरण

कपिलवस्तु ।
कपिलवस्तुको जनसेवा आधारभूत विद्यालयका तीन सय बढी विद्यार्थीलाई पौष्टिक आहार स्वरुप खाजामा कुखुराको अण्डा वितरण गरिएको छ ।
कपिलवस्तु पोल्ट्री एण्ड ह्याचरी उद्योगका संचालकद्धोय आत्मराम बेल्वासे र राजेन्द्र अधिकारीले विद्यालयको कक्षा वालविकास देखि कक्षा ८ सम्म अध्ययनरत छात्रछात्राहरुलाई उसिनेको अण्डा प्रदान गर्नुभएको हो ।
विद्यालय प्राङ्गणमै दिवा खाजाको रुपमा प्रति विद्यार्थी दुई वटा अण्डा प्रदान गरिएको विद्यालयका प्रधानाध्यापक ज्ञानप्रसाद पाण्डेले जानकारी दिनुभयो ।
ह्याचरी संचालक बेल्वासे र अधिकारीले जनसेवा आधारभूत विद्यालयका विद्यार्थीहरुको दिवा खाजाका लागि आफ्नै फार्ममा उत्पादन भएको अण्डा सहयोग प्रदान गर्नुभएको हो । २ हजार १ सय ६० गोटा आर्थात ७२ क्यारेट अण्डा विद्यालयका लागि दिइएको संचालक बेल्वासेले बताउनुभयो ।
सामान्य परिवारबाट विद्यालयमा अध्ययनका लागि आउने विद्यार्थीहरुको पोषण क्षमतामा बृद्धि होस भन्ने उद्धेश्यले अण्डा प्रदान गरिएको उहाँले बताउनुभयो ।
बेल्वासे र अधिकारीले संचालन गर्नुभएको सो ह्याचरी उद्योग वाणगंगा नगरपालिका वडा नम्बर ४ स्थित झुँगाहमा रहेको छ ।

111

प्रतिक्रिया

खबर सबै

खैरेनीचाैर सामुदायिक बनकाे नि:शुल्क स्वास्थ्य शिविर, चारसय बढीले लिए सेवा

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU