आज महाशिवरात्रि, पशुपतिमा बिहान ३ बजे नै खोलियो चार ढोका

पर ब्रह्मले फागुन कृष्ण चतुर्दशीका दिन मध्यरातमा शिवरूप धारण गरेकाले मध्यरातमा चतुर्दशी तिथि परेकै दिन पूजा, आराधना, दर्शन गरे यस लोकमा सुख शान्ति र परलोकमा सद्गति प्राप्त हुने शास्त्रीय वचन रहेको विश्वास गरिन्छ।

यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा रहेको शिव पुराणलगायत ग्रन्थमा उल्लेख छ।

यस्तै आज बिहान ३ बजे नै पशुपतिका चार ढोका खुलेको छ। पशुपति विकास कोषका अनुसार यस वर्ष १० लाखभन्दा बढी दर्शनार्थीले महाशिवरात्रिका दिनमा पशुपति दर्शन गर्न सक्ने गरी व्यवस्थापन गरिएको छ।