लुम्बिनी प्रदेश : प्रदेशसभा बैठकमा एमालेको अवरोध कायमै

दुईजना सांसदलाई पदमुक्त गर्नुपर्ने माग गर्दै नेकपा एमालेले लुम्बिनी प्रदेशसभाको बैठक आज लगातार दोश्रो पटक अवरुद्ध गरेको छ ।

आज बैठक शुरु हुनासाथ नेकपा एमालेका सांसदले रोष्टम घेराउ गर्दै नारा लगाएका थिए । सूर्य चुनाव चिन्ह लिएर चुनाव जितेका स्वतन्त्र राजनीतिक समूहका अजय शाही र उपचुनावमा नेकपाबाट चुनाव जितेकी विमलाकुमारी खत्रीलाई पदमुक्त गरेको सूचना पढ्नुपर्ने माग गर्दै एमालेले संसद अवरोध गरेको हो ।
एमालेले यी सांसदलाई कारवाही गरेको पत्र संसद सचिवालयमा बुझाइसकेको छ । सभामूखले प्रदेश सभामा सांसद पदमुक्त भएको पत्र नपढेसम्म सदन चल्न नदिने एमालेको अडान छ ।

सभामूख पूर्णबहादुर घर्तिले २ सांसदको कारबाही प्रक्रिया अरुभन्दा फरक रहेकाले यसबारेमा सचिवालयले अध्ययन गर्ने र १५ दिनभित्र निष्कर्षमा पुग्ने बताउनुभएको छ ।

शाहीले आफु स्वतन्त्र सांसद भएकोले एमालेको ह्विप नलाग्ने बताउँदै आउनुभएको छ । खत्रिले भने आफु नेकपाबाट निर्वाचित भएकाले अदालतको आदेश अनुसार नै माओवादी केन्द्र रोजेको तर्क गर्नुभएको छ ।

विपक्षीले अवरोध गरेपछि स्थगित बैठक भोलि दिउँसो १ बजेका लागि पुनः बोलाइएको छ ।

80

प्रतिक्रिया

खबर सबै

श्रृङ्गीघाट सामुदायिक वनले दियाे अनुदानमा ई- रिक्सा,महिला उद्धमीलाई प्राेत्साहन

लुम्बिनी प्रदेश सबै

लुम्बिनी प्रदेशको बजेट बहुमतले पारित

साझा अपडेट

MENU