दक्षिण कोरियाका राष्ट्रपति यून पक्राउ

काठमाडौं : दक्षिण कोरियाका राष्ट्रपति यून सुक युल पक्राउ परेका छन् । घण्टौँको घम्साघम्सपिछि उनलाई आज पक्राउ गरिएको हो ।

युललाई पक्राउ गर्न पुगेको सुरक्षाकर्मी र उनका समर्थकबीच केही समय धकेलाधकेल समेत भएको थियो । राष्ट्रपति पदमै रहेका बेला पक्राउ पर्ने युन पहिलो व्यक्ति हुन् ।

उनले डिसेम्बर ३ मा मार्सल ल लगाउन खोजेका थिए । जसलाई संसदले विफल बनाइदियो । उनलाई जनवरी ३ मा पनि पक्राउ गर्न घण्टौँ प्रयास भएको थियो । उनीमाथि लागेको महाअभियोगको अहिले छानबिन जारी रहेको छ । कानूनी कारबाही प्रक्रिया हिजोबाट सुरु भएको बीबीले जनाएको छ ।

मार्सल ल घोषणा गरेपछि उनको चर्को आलोचना भएको थियो । उनीविरुद्ध महाअभियोग प्रस्ताव पनि संसदले पारित गरेको थियो ।