बाणगंगामा हाइटेन्सन पोलमा करेन्ट लागेर एक युवाको मृत्यु

वाणगंग नगरपालिका अन्तर्गत वडा नम्बर ८ लौगाईस्थित १३२ केभिएको राष्ट्रिय प्रसारण लाइनको टावरमा एक जना पुरुष जलेको अवस्थामा भेटिएका थिए ।

प्रहरीका अनुसार मृतक वडा नम्बर ८ बालापुर बस्ने रामदेव थारुका ४० वर्षिय छोरा तुलसी थारु रहेका छन् । मृतक थारुले लामो समयसम्म मिस्त्री काम गर्ने गरेको स्थानीय बताउँछन् । स्थानीयका अनुसार मृतक थारुमा मानसिक समस्या पनि रहेको थाहा भएको छ ।

बिहान करिब ३ बजेको समयमा पोलबाट केहि पडकिएको आवाज सुने पछि स्थानिय हेर्ने गएको र एक जना पुरुषको शब देखे पछि स्थानियले प्रहरीलाई खबर गरेका थिए ।

प्रहरी घटना स्थलमा आउदाँ करेन्टले शब जलेको अबस्थामा रहेको र विद्युत प्राविधिकरणका कर्मचारीलाई खबर गरेर बोलाए पछि प्रहरी र कर्मचारीको सहयोगमा शबलाई बाहिर निकालेको ईसाझाकुरा सँग कुरा गर्दै इलाका प्रहरी प्रमुख तेजेन्द्र के.सीले बताए ।
शबको मुजुल्का उठाएर पोष्टमाटमका लागि पिपरा अस्पताल लगेको बताइएको छ ।