घोराही–तुलसीपुर सडक खण्ड खुल्याे

दाङ : दाङको घोराही–तुलसीपुर सडक खण्ड दिउँसोदेखि खुलेको छ । घोराही उपमहानगरपालिका वडा नम्बर १० अमराईमा टिप्परको ठक्करबाट एक जनाको ज्यान गएपछि पीडित पक्षले आज बिहानैदेखि बन्द गराएको सडक खुलेको हो ।

टिप्परको ठक्करबाट घोराही उपमहानगरपालिका–१५ का ३९ वर्षीय कुलबहादुर बस्नेतको ज्यान गएको थियो । आफन्तले उचित क्षतिपूर्तिको माग गर्दै सडक खण्ड बन्द गरेका थिए । प्रहरी प्रशासनको रोहोबरमा भएको छलफलपछि टिप्पर धनीले मृतकका आफन्तलाई झन्डै नौ लाख रुपैयाँ क्षतिपूर्ति रकम दिने सहमति भएको छ ।

हिजो बेलुका बा ५८ प ५६०५ नम्बरको मोटरसाइकललाई लु २ ख ५०८५ नम्बरको टिप्परले ठक्कर दिँदा बस्नेतको ज्यान गएको हो ।