कोईलीबाट बेपत्ता पौडेल चौथो दिनमा भेटिए

कपिलवस्तु

कपिलवस्तु स्थित वाणगंगा ९ चौवहा र कोपिलधाम जोड्ने नदिको कब्जे माथिबाट आएको बाढीले बगाउँदा बेपत्ता भएका पशुपति पौडेलको आज चौथो दिनका दिन हर्दौना भन्ने स्थानमा पौडेलको शव भेटिएको प्रहरी स्रोतले जनाएको छ ।

स्थानीयले एउटा शव देखेको भन्ने खबर पाएपछि उक्त ठाउँमा खोजि गर्दा पौेडेलको शव भेटिएको कपिलवस्तु प्रहरी डिएसपि धर्मराज भण्डारीले बताउनु भएको छ । हर्दौना अन्तरगत पर्ने महाराजगन्ज नगरपालिकाको वार्ड न ८ सिंराहा क्षेत्र भित्र उक्त शव फेला परेको जानकारी दिएको छ । उक्त ठाउँ घटना स्थल देखि करिब १४ किलोमिटर टाढा रहेको छ ।

खोला नजिक बाख्रा चराउन गएका बालवालिकाले शव देखेपछी खोज्दै जादाँ पौडेलको शव भेटिएको हो ।

पौडेललाई साउन २८ गते बिहीबार दिउँसो नदी पार गर्ने क्रममा कोईली पुल माथिबाट नै बगाएको थियो ।
पौडेलको शवलाई पोष्टमार्टमका लागि जिल्ला अस्पताल तौलिहवा लगिदै गरेको प्रहरीले जनाएको छ । अहिले पौडेलको आफन्त शव भेटिएको ठाउँमा पुगेका छन् ।